«1 маусым - Балаларды қорғау күні»

Бүгін «1 маусым - Балаларды қорғау күні» мерекесіне орай №19 жалпы білім беретін мектепте балғын балаларға арналған спорттық ойындар, асфальтқа сурет салу, би сайыстары, флеш моб, т.б. іс-шаралар ұйымдастырылды. 
      Мақсаты: іс-шаралар арқылы ойлау қабілеті мен шығармашылығын дамытуға, өздерін жеке тұлға ретінде көрсете білуге, өмірін, құқығын, денсаулығын қорғап, оларға қамқорлық жасау арқылы және бақытты балалық шақты сезіндіру.
      Аталған іс-шара барысында белсене қатысқан оқушылар Мақтау қағаздарымен марапатталды. Сонымен қатар Алматы қаласы Білім басқармасының ұйымдастыруымен Медеу ауданы білім бөлімінің қолдауымен аталған іс-шаралардың қорытынды бөлімінде жасөспірімдерге балмұздақтар таратылды.      
     Барлық балаларды төл мерекелерімен құттықтаймыз! Болашақ ұрпақ әрқашан бейбітшілікте өмір сүруіне және елін, жерін қорғайтын азаматтар болып өсуіне тілектеспіз!